Ar Cur-seachadan
Lìbhrigidh sinn farsaingeachd de chur-seachadan a tha freagarrach do dhaoine de gach aois agus comas, leithid;
- Comas Coille
- Sreap & Abseil
- Claiseachd
- Mapland Alba
- Rothaireachd-slèibhe
- Sligheadaireachd
- Sgitheadh
- Boghadaireachd Bog
- Bòrd-seasaimh
- Coiseachd, cuairtean & campachadh.
Comas Coille
Tha Comas Coille, no Bushcraft, air leth math airson sgilean ùra a thogail air a’ bhlàr a-muigh. Nithear rudan leithid togail theintean, togail fasgadh agus tuilleadh, agus gu tric thèid a thoirt an lùib cur-seachadan eile airson cuairt dàna beag a chruthachadh.
Dè bhios a dhìth orm? Chan fheumar uidheamachd sam bith sònraichte airson seo.
Sreap & Abseil
‘S e fìor chothrom a th’ ann an sreap airson dùbhlan pearsanta agus abair gum faigh a h-uile duine togail às. Mar as trice, bidh creag faisg air làimh far an gabh abseil no sreap a chur air dòigh agus mar sin bidh cothrom ann dhan òigridh eòlas as ùr a chur air àite san sgìre aca. Ma tha buidheann air a bhith a’ sreap a-staigh cheana, ‘s urrainn dhuinne an cuideachadh gus na sgilean ud a thoirt a-muigh.
Dè bhios a dhìth orm? Chan fheumar uidheamachd sam bith sònraichte airson seo.
Claiseachd
Tha claiseachd gu math spòrsail, dùbhlanach agus a’ toirt cothrom do sgoilearan an cuid sgilean a chur an gnìomh ann an àrainn gu tùr eadar-dhealaichte. Bidh sinn a’ tabhann claiseachd air feadh Alba, faisg air an sgoil no buidheann agaibh. Tha uidheachd againn, iùilichean profaiseanta agus gach rud a tha dhìth airson latha, spòrsail, dùbhlanach agus sàbhailte.
Dè bhios a dhìth orm? Thig le deise-snàmh ort fo do chuid-aodaich, air neo bithibh deiseil airson an deise-snàmh agad a chur ort. A thuilleadh air sin, thoir leat paidhir brògan a thèid san uisge, agus dèan cinnteach gum bi paidhir tioram agad airson a chur ort às dèidh làimh.
Mapland Alba
Dh’ionnsaichibh mu dheidhinn na h-Alba, ar cruinn-eòlas, ar n-eachdraidh agus gu leòr eile leis a’ mhapa as motha de dh’Alba ‘s a tha ann an àite sam bith! ‘S e mìrean-measgaichte mòr a th’ ann am Mapland na h-Alba le mion-fhiosrachadh air an tìr, agus gabhaidh coiseachd air! Tha 180 pìosan plastaig ann agus tha e 10.8m x 7.6m, le 2.5m x 1.6m ‘son Shealltainn. Cleachdaidh e am mapa 1:50,000 bho Ordnance Survey, air am faodar falbh air chuairt bho Obar Dheathainn a dh’Uibhist a Deas, ‘s gach àite eatorra!
Lìbhrigidh sinn bùithtean-obrach fiosrachail air cuspairean a leithid leughadh mhapaichean, sgèile, loidhnichean co-àirde, ceanglaichean còmhdail, ainmean-àite na dùthcha, dualchas na Gàidhlig agus eile. ‘S urrainn dhuinn seiseanan a cheangail ris a’ Churraicealam son Sàr-mhathais.
Faodaidh sinn cuideachd am mapa a chur thugaibh fhèin gus a chleachdadh anns a’ cho-theagsa ionnsachaidh agaibhse.
Feumaidh ùrlar rèidh, cruaidh agus a-staigh a bhith againn a tha co-dhiù 14m x 8m. Tha seo mun aon mheud ri raon badminton agus gabhaidh Mapland na h-Alba a chur a-mach ann an talla-sgoile, talla baile, ionadan coimhearsnachd agus eile.
Rothaireachd-slèibhe
Tha beartas de làraich sgoinneil son rothaireachd-slèibhe ann an Alba agus bidh sinne a’ tabhann sheiseanan stiùirichte air an òigridh. Chithear an tìr ann an dòigh ùr agus bidh iomadh cothrom ann sgilean pearsanta agus sgioba a leasachadh fhad ‘s a thèid sinn air cuairt togarrach, sàbhailte.
Dè bhios a dhìth orm? Chan fheumar uidheamachd sam bith sònraichte airson seo.
Sligheadaireachd
Tha sligheadaireachd a’ toirt còmhla farpais luaiths agus leughadh mhapaichean. Chan fheum thu ruith ged-thà! Bidh com-pàirtichean a’ feuchainn ri slighe a lorg eadar diofar stèiseanan cho luath ’s urrainn dhaibh. Faodaidh iad slighe sam bith a ghabhail agus tha e an urra riutha fhèin am mapa a chleachdadh gus an ath-stèisean a lorg.
Tha Spòrs Gàidhlig a’ tabhann sligheadaireachd mar chur-seachad freagarrach do bhun-sgoilearan agus àrd-sgoilearan. Tha na seiseanan againn a’ toiseachadh le gnìomhan gu math simplidh, sa raon-chluiche ’s dòcha, agus a’ gluasad gu slighean nas motha. Tha uidheamachd profaiseanta againn agus eòlas air a’ chur-seachad a lìbhrigeadh anns a’ Ghàidhlig. Tha seo cuideachd freagarrach do luchd-ionnsachaidh aig ìre bun-sgoile ’s àrd-sgoile.
Dè bhios a dhìth orm? Chan fheumar uidheamachd sam bith sònraichte airson seo.
