Cur-seachadan

Cur-seachadan

Lìbhrigidh sinn farsaingeachd de chur-seachadan, an dà chuid tro mheadhan na Gàidhlig agus na Beurla. Cleachdaidh sinn na cur-seachadan mar inntrigeadh dhan Ghàidhlig do dh’òigridh aig nach eil eòlas oirre cuideachd.

Tha sinn comasach air iad seo a thabhann tro ar prògram de thachartasan-còmhnaidh aig Loidse a’ Ghlinne Mhòir no gu h-ionadail le a bhith a’ tighinn chun na sgìre agaibh fhèin.

• Bikeability
• Boghadaireachd
• Costaireachd
• Comas Coille & Sgoil Coille
• Sreap & Abseil
• Sgeama Dhiùc Dhùn Èideann
• Claiseachd
• Duais Iain Muir
• Mapland Alba
• Meanbh-chuairtean
• Rothaireachd-slèibhe
• Sligheadaireachd & Sgilean-seòlaidh
• Sgitheadh
• Bòrd-seasaimh
• Coiseachd nam Beann

 

Bikeability Scotland

Tha Sgeama Comas Rothair, no Bikeability, ag amas air sgilean agus misneachd a thoirt do chloinn airson an rothair a chleachdadh air na rathaidean. Tha e cuideachd airson cloinn a bhrosnachadh gus an rothair aca a chleachdadh nuair a tha iad nas sinne. 

Tha Spòrs Gàidhlig comasach air Comas Rothair a thabhann dhan treas ìre. Tha seo freagarrach do chloinn bhun-sgoile agus tro mheadhan na Gàidhlig. Faodaidh sinn an seirbheis a thabhann airson luchd-ionnsachaidh ann an dòigh a tha freagarrach a-rèir an comas Ghàidhlig.

Boghadaireachd

Bho 2021 air adhart.

Costaireachd

Bho 2021 air adhart.

Comas Coille & Sgoil Choille

Tha Comas Coille, mar chur-seachad, air a bhith fàs le barrachd ’s barrachd dhaoine a’ nochdadh ùidh ann. Tha Spòrs Gàidhlig comasach air seiseanan agus cùrsaichean chomas choille a thabhann air sgoiltean agus buidhnean fa-leth. 

Tha seo freagarrach don bhun-sgoil agus àrd-sgoil agus na dhòigh inntinneach agus togarach gus a’ Ghàidhlig a chleachdadh taobh a-muigh na sgoile. 

‘S e seòrsa cur-seachad a ghabhas a leasachadh fad-beatha le dileab sgilein agus eòlais airson gach neach. 

Bidh sinn a’ tabhann sheiseanan le teintean, fasgaidhean, ag obair le fiodh agus eile.

Sreap & Abseil

‘S e fìor chothrom a th’ ann an sreap airson dùbhlan pearsanta agus abair gum faigh a h-uile duine togail às! Mar as trice, bidh creag faisg air làimh far an gabh abseil no sreap a chur air dòigh agus mar sin bidh cothrom ann dhan òigridh eòlas as ùr a chur air àite san sgìre aca. Ma tha buidheann air a bhith a’ sreap a-staigh cheana, ’s urrainn dhuinne an cuideachadh gus na sgilean ud a thoirt a-muigh.

Sgeama Dhiùc Dhùn Èideann – Roinn Chuairt

Bheir Spòrs Gàidhlig taic leis an Roinn Chuairt, an dà chuid anns a’ Ghàidhlig agus a’ Bheurla. Faodaidh sinn taic a thoirt dhan sgoil agus dha na buidhnean agaibh le na leanas:

•             Làithean-trèanaidh

•             Làithean-planaidh

•             Cuairtean-ullachaidh

•             Cuairtean-deuchainne

•             Uidheamachd

Tha cead AALA againn agus tha sinn nar buidhinn cheadaichte le DofE (Approved Activity Provider). 

 

Claiseachd

Tha claiseachd gu math spòrsail, dùbhlanach agus a’ toirt cothrom do sgoilearan an cuid sgilean a chur an gnìomh ann an àrainn gu tùr eadar-dhealaichte. Bidh sinn a’ tabhann claiseachd air feadh Alba, faisg air an sgoil no buidheann agaibh. Tha uidheachd againn, iùilichean profaiseanta agus gach rud a tha dhìth airson latha, spòrsail, dùbhlanach agus sàbhailte.

Duais Iain Muir

Bheir Duais Iain Muir cothrom do dh’òigridh a bhith gabhail pàirt ann am prògram spòrsail agus teisteanas aithnichte a chosnadh uile tro mheadhan na Gàidhlig. ‘S ann air “talamh fiadhaich” agus an àrainneachd a tha an duais stèidhichte.  

Bidh sinn a’ tabhann nan trì ìrean den Duais: Lorgair, Rannsaiche & Glèidhtiche.   

---

Tha ceithir dùbhlain aig cridhe Duais Iain Muir

Àite iomallach a lorg	Cuir eòlas air	Glèidhe e	Roinn d’ eòlas
Àite ionadail, pàirc, loch, beinn, tràigh, abhainn, eile	Dèan rudan gus tuigse agus eòlas a bhrosnachadh. Ionnsaich agus gabh tlachd às an àite.	Dèan rudeigin agus gabh dleastanas.	Roinn d’ eòlas agus innis do chàch na rinn agus na ionnsaich thu.

Tha am prògram ann an dà earrann:

1. DIM Ìre a h-aon – Lorgair – Prògram ionadail + tachartas ionadail – £50
   1. Prògram ionadail gach seachdain/cola-deug
   2. Beagan obrach pearsanta
2. DIM ìre dhà – Rannsaiche – Prògram ionadail + Campa Nàiseanta – £150
   1. Prògram ionadail gach seachdain/cola-deug
   2. Campa Nàiseanta – (11-14/06/2018)
   3. Barrachd obrach pearsanta
3. DIM ìre trì – Glèidhtiche – Obair phearsanta + cuairt – £200
   1. Cuairt + cuairt deasachaidh – Le Spòrs Gàidhlig, samhradh 2021
   2. Pròiseact pearsanta – nan ùine fhèin ach le stiùir bho sgioba Spòrs Gàidhlig & CnaG
   3. Obair shaor-thoileach – le buidhnean leithid RSPB, Urrasan, BTCV, SNH, msaa.

An Campa Nàiseanta – Aig deireadh nam prògraman ionadail bidh gach buidheann a’ coinneachadh aig ionad chur-seachadan no ostail airson a’ champa nàiseanta. Bidh iad a’ taisbeanadh na h-obrach ionadail aca do chàch agus a’ gabhail pàirt ann an cur-seachadan agus seiseanan àrainneachd. Bidh latha dùbhlain ann mar phàirt den tachartas le buidhnean a’ strì an aghaidh a’ cheile. Spòrs gu leòr! 

Aig deireadh a’ phrògraim, gheibh gach neach Duais Iain Muir – teisteanas a tha aithnichte do sgoiltean, oilthighean, buidhnean-fastaidh agus eile. 

Tha Spòrs Gàidhlig agus CnaG a’ cur beagan prìomhachais air cat-fiadhaich na h-Alba. Tha iad tearc agus feumach air taic, beagan coltach ris a’ Ghàidhlig fhèin.  

An Treas Ìre – An Duais Glèidhtiche 

Tha dleastanas a bharrachd a dhìth airson an treas ìre. Bheir sinn taic dhut ach feumaidh tu moladh (plana) a sgrìobhadh agus deagh chuid den phrògram a dhèanamh nad ùine fhèin.  ‘S e dùbhlan mòr a th’ ann ach le taic, bidh deagh chothrom agad!

Meanbh Chuairtean

Tha Meanbh-chuairtean gu math freagarrach do dh’òigridh a tha airson cadal a-muigh ann an àite nàdarra, ann an suidheachadh Gàidhlig agus sgilean ùra fhaighinn leithid còcaireachd a-muigh agus gun a bhith fàgail comharra as an dèidh.

Tha cuairt bheag an sàs le gach turas gu àite far an stèidhich sinn ar campa.  Bidh sinn an uairsin a’ còcaireachd ar biadh air stobha agus cèilidh bheag a chumail gus crìoch a chur air an oidhche. Cuiridh sinn seachad an oidhche ann an leabaidhean crocte (hammocks). Sa mhadainn, tillidh sinn air ais far am bi frasan agus thèid a h-uile duine dhachaigh le eòlas ùr agus deagh chuimhneachain. 

Bidh na h-iùilichean againn leis a’ bhuidheann fad na h-ùine agus a’ dèanamh cinnteach gum faigh gach neach biadh agus cadal. 

Tha na cuairtean seo freagarrach do chloinn 9+ agus faodaidh pàrantan/cùramaichean a bhith mar phàirt den turas ma tha iad ag iarraidh. Chan fheum pàrantan a bhith ann ged tha; bidh ar n-iùilichean leis a’ bhuidheann fad na h-ùine.  

Bidh gach cuairt a’ gabhail a-steach:

• Stiùireadh bho iùilichean profaiseanta
• Uidheamachd
• Dìnnear agus bracaist
• Oidhche ann an leabaidh crocte (hammock!)
• Frasan sa mhadainn ma tha iad a dhìth

Ionnsaichidh com-pàirtichean mòran air na meanbh-cuairtean seo le sgilean bunaiteach, rudan ùra a tha feumail agus ciamar a chuireas iad seachad oidhche sa choille uile gam mìneachadh ann an doimhneachd.  

• Snaidhmean agus ropan
• Stèidheachadh leabaidhean crochte no teantaichean
• Còcaireachd a-muigh 
• Sgilean “fàgail gun bhuaidh”
• Sgilean seòlaidh agus mapaichean
• Briatharachas ùr

Tha Meanbh-chuairtean freagarrach do chloinn agus bidh a’ toirt cothrom tlachd-mhòr ann an suidheachadh spòrsail, sàbhailte le clàr-ama a tha ag obair don sgoil agus do theaghlaichean.

Mountain Biking

Tha beartas de làraich sgoinneil son rothaireachd-slèibhe ann an Alba agus bidh sinne a’ tabhann sheiseanan stiùirichte air an òigridh. Chithear an tìr ann an dòigh ùr agus bidh iomadh cothrom ann sgilean pearsanta agus sgioba a leasachadh fhad ’s a thèid sinn air cuairt togarrach, sàbhailte.